這是大多數香港人都會明白的笑話:

電：代表本人， 問：代表查詢資料的『貴客』!

電：「１０８３，請問有乜野可以幫到你？」

問：「我想查甜夢Ｋ劉更次電話．」

電：「甜夢Ｋ係咪屯門區呀？」

問：「係囉．．我要劉更次既電話呀！」

電：「劉更次係咪醫生呀？」

問：「唔係呀！佐野果ｄ呀．．．」

電：「佐野？做野呀？」(本人開始好唔耐煩．．．．)

問：「咪係囉！」（佢都開始好唔耐煩喇．）

電：「咁係咪公司名呀？」

問：「唔係呀！佐野呀．．．」

電：「咁劉係咪劉德華個劉呀？」

問：「劉呀！！！唔係劉德華個劉呀！」

（本人個心開始有少少聲．．）

電：「咁更係咪更改個更呀？」

問：「唔係呀！劉更次呀．．你係咪鄉趕人黎架？」

（本人真係火都黎埋．）

電：「係咪政府部門呀？」

問：「係呀．．搵野佐果ｄ呀．．」

電：「你等等啦．．．」

（本人開始苦思呢個『貴客』要搵既係乜，５秒鐘後我終於諗到喇．．）

原來佢要搵既係．．．．．




勞工處！！！！真係眼都反埋．．．